GELEENTHEDE WAT KOM

KOSTE: R200 

Kom word deel van ‘n reis….van Palm tot Kruis! …die begin van Lydenstyd 2020.

AsWoensdag lui hierdie besonder tyd in die kerklike jaar in. Dit is ’n tyd van stilword, bepeinsing, ondersoek, berou, verootmoediging en oorgawe.

Op As-Woensdag kom jy aan die woord teenoor God…. erkennend van jou broosheid maar ook boosheid…. en daarom nooi die Andrew Murray Sentrum vir Spiritualiteit jou uit na ’n dag van afsondering om opnuut treë te gee en deel te neem aan ’n reis van verdieping saam met God.

Die as-simbool deur die dag dien as teken van verootmoediging.

Die dag voer elke deelnemer tot ’n dieptepunt en word afgesluit tydens ’n lydensmeditasie met woord en lied in die kapel.

KOSTE: R1530

Die herdenking van Jesus se kruisdood en opstanding tydens Paasfees vorm die diepte- én hoogtepunt van die kerkjaar.  Die vier dae wat begin by die pasgamaal Donderdagaand en eindig by die viering van Paassondag kan gesien word as een onafgebroke liturgie.  Tydens hierdie vier dae beleef pelgrims ‘n uittog wat deur die dood en afwagting van stil Saterdag heen na nuwe lewe lei.

Jy word genooi om hierdie ingrypende gebeure bewustelik en as geheel deur middel van ‘n (grootliks) selfbegeleide retraite by die Andrew Murray-Sentrum vir Spiritualiteit te kom beleef – vanaf Donderdag 17:00 tot Sondag 10:00.  Elke aand kom ons om 18:00 in die kapél byeen om die gebeure saam te oordink.  Kom rus diep en geniet terselfdertyd die eenvoud en skoonheid van die omgewing.

Almal welkom!

Andrew Murray 9 Mei 1828 – 9 Mei 2019

“It is well for a family that acknowledges what it owes to the prayers of ancestors.”

In 1913 Andrew Murray, the second, wrote the following to the Murray family circle:

“A godly parentage is a priceless boon. Its blessing rests not only upon the children of the first generation, but has often been traced in many successive generations. But its blessings will depend upon the keeping up of the spirit of prayer, with that direct sense of belonging to God.”

Ons nooi u om deel te word van hierdie gebedsverhaal deur saam te luister na fragmente uit Andrew se lewensverhaal, geskrifte, gedigte en gebede, soos aangebied deur Murray-nasate.

KOSTE:

‘Come away my beloved…’   Song of Songs 2:13

 

Wat is dit waarvan jy dalk moet wegstap of wil neersit of laat gaan – soos n herfsboom sy blare… 

Die HerfsRetraite het n stadige ritme

met oop tyd vir alleen wees,

met geen druk om terugvoer te gee oor die eerlike proses tussen jou en God nie.

Kom rus in God.

Kom word stil.

Kom wéés net.

Kom luister na jou hart.

Luister na God se Woord, God se Asem…